Taha Bapare Sâcmutâc 26:38-45

³⁸Ehuc râsifâc‐ŋeŋic jaŋere ŋondeŋko sipirickepie mâreŋ‐jeŋiczi ɋâcŋopaocmu.

³⁹Ehame ʒanʒaŋnefâc‐ŋeŋic jaŋe jaŋacne kiŋte me mamac ŋosafâc‐jeŋic jaŋere kiŋte erâ râsifâc‐ŋeŋic jaŋere mâreŋko hâmo miziec eniŋmu.

⁴⁰“Jaŋe iŋuc ehuc jaŋe jaŋacne mecne â mamac ŋosafâc‐jeŋic jaŋe mecne ʒâʒâfic hetâcnerâ râsi enarehuc kiŋ bahac bâfuambiŋ i mufuaniŋmu.

⁴¹Erâ dâŋnane qâsuambiŋte no iŋuc jaha dâŋjeŋic qâsuahuc râsifâc‐jeŋic jaŋere mâreŋko râec‐jopapo i ʒâŋitaniŋmu wâc. Jaŋe iŋuc epie maŋrâŋgeŋ‐jeŋiczi urueha okacne fua‐jareme manapie sâckeocmuo

⁴²ine noni Jakobo â Isaka erâ Abraham jaŋehec ʒâʒâfic epo irec manasuhuc mâreŋ‐jeŋicte wâc mi nikecnuocmu.

⁴³Jaŋe ine mâreŋ‐jeŋic beherâ rapie mâreŋzi ŋic tâmiric foha sabata hombaŋ‐ticne maickezejec. Jaŋe ine mumutâc dâŋnane qâsuahuc dâŋsanaŋ‐nane qatarambiŋte kiŋjeŋicte okacne fisi‐jareocmu.

⁴⁴Eme râsifâc‐jeŋic jaŋere mâreŋko juhapie no sifu wiac irec erâ qâmâtâc mi ejarepemu, erâ bâsuec‐jopahuc mi sipiric‐jopapemu; erâ jaŋehec ʒâʒâfic ekicne i mi hetâcnepemu, no Wofuŋ Anutu‐jeŋic hâcne.

⁴⁵No jaŋere erâ mamac ŋosafâc‐jeŋic jaŋehec ʒâʒâfic epo irec manasupemu. No Anutu‐jeŋic jupemurâ mamacfâc‐jeŋic qâpuc gurune gurune jaŋere maio Aigita mâreŋkonec jowac‐jopa wefupo. No Wofuŋ jukopac hâcne.”