Taha Bapare Sâcmutâc 25:2-5

²“Go Israe ŋic ʒiŋuc jazazemec: Ŋoŋe mâreŋ ŋarepemu ira fisirâ Wofuŋte manasuhuc sabata hombaŋ sâko moc ŋenʒepieŋ.

³Ŋoŋe jara 6 gie‐ŋeŋic he sarac ehuc waiŋ‐ŋeŋic bâtâcne emasaŋ enʒepieŋ, ehame fârine fuame ro nusec enʒepieŋ.

⁴Jara namba 7 ira ine Wofuŋte manasuhuc sabata hombaŋ sâko ŋenʒepieŋ. Ŋoŋe jara ira hesarac gie mi bahuc waiŋ‐ŋeŋic wâc bâtâcne emasaŋ mi enʒepieŋ.

⁵Wiac gâcne ro bâtiric epie waha ŋehuc âkeʒurâ fârine fuame mi ronʒepieŋ, me waiŋ bâtâcne emasaŋ mi ekicnao fârine fuame wâc ro nusec mi enʒepieŋ. Jara ira mâreŋzi mâc jâmbâŋ fozejec.