Taha Bapare Sâcmutâc 23:2-10

²“Go Israe ŋic ʒiŋuc jazazemec: Ŋoŋe Wofuŋte hombaŋ kecʒiŋuc mukicnezi tutumaŋ hombaŋ eocte musokanʒepieŋ.

³Ŋoŋe ʒoaŋ gie bapa 6 gie banʒepieŋ, ʒoaŋ gie bapa 7 izi ine hombaŋ ezejec, ehame tutumaŋ tirine enʒepieŋ. Ŋoŋe ira gie moc mi banʒepieŋ, aricne, ʒoaŋ izi ŋeŋe juju eraniŋmu sâc Wofuŋte sabata hombaŋ ezejec.

⁴Wofuŋte hombaŋ, tiri tutumaŋ hâcne kecʒiŋuc fokac i dameŋ mukicne ira musokahuc ŋenʒepieŋ:

⁵Mosa wâŋ irec ʒoaŋ gie bapa 14 owâcne Wofuŋte aakic hombaŋ maickeocmu.

⁶Eme mosa irec ʒoaŋ gie bapa 15 ira ine Wofuŋte manasuhuc poroŋ goreŋ tâmiric nânâ irec hombaŋ ŋenʒepieŋ, ŋoŋe dameŋ ira fuŋkerâ nânâ poroŋ goreŋ tâmiric nâhuc juhapie ʒoaŋ gie bapa 7 tarazejec.

⁷Ʒoaŋ ira tiri tutumaŋ moc ehuc gie moc mi banʒepieŋ.

⁸Erâ Wofuŋ alatao bâzi rikecnehuc juhapie ʒoaŋ gie bapa 7 ira ine mocwâc tiri tutumaŋ ehuc gie moc mi banʒepieŋ.”

⁹Wofuŋzi Mose kecʒiŋuc âzâcnewec:

¹⁰“Go Israe ŋic ʒiŋuc jazazemec: Ŋoŋe mâreŋ ŋarepemu ira fisirâ nânâ nânâsu dameŋ maickeme nânâ gieonec fuŋkerâ rohuc taha baparao râenʒepieŋ.