24“Go wiac mukicne sasawa i ebac ehuc wâwânâŋhec mi ezemec; no ŋoŋere maio qâpuc ŋic gurune gurune jâpec‐jopape wiseŋgopieŋ jaŋe hâcne wiac iŋucne ebac ehuc wâwânâŋhec embiŋ.
25Jaŋe iŋuc epie mâreŋ‐jeŋiczi wâwânâŋhec ewec; eme no kiŋjeŋicte erâ okacne bazu‐jarepe mâreŋ‐jeŋic tuhutac fuawec.
26Ŋoŋe ine dâŋsanaŋ â mumutâc dâŋnane reŋkerâ bâjâpehuc wiac mamakâcne keci moc mi enʒepieŋ, mâreŋ rune ŋoŋe mecne â ŋic jabane ŋondeŋ‐ŋeŋicko jueŋgopieŋ jaŋe mecne.
27(Ŋic mârâc jaha mâreŋ ʒi rauckerâ jumbiŋ jaŋe hâcne wiac i ebac epie mâreŋ i wâwânâŋhec ewec.)
28Ŋoŋe iŋuc epie mâreŋzi mârâc jaha tuhutac fuarâ fowec irec sâc fuaocmu.
29Ŋic izi me izi wiac mamakâcne keci moc ebac eocmu e ŋic âgofâc‐ticne jaŋere ŋondeŋkonec bâsirowezo.
Taha Bapare Sâcmutâc 18
Taha Bapare Sâcmutâc 18:24-29