Taalie 7:11-22

¹¹Ginɛ murutaxi nan a ra, naxan wɔyɛn xui ite, a mixi matandi.

¹²A ɲɛrɛma taa kui xɛmɛ fenfe ra.

¹³A naxa na xɛmɛ suxu, a a masunbu, a a fala a bɛ yɛtɛ igboɲa ra,

¹⁴«N laayidi tongo nɛ Ala bɛ, n bara na rakamali sɛrɛxɛ ra to.

¹⁵N minixi i fende na nan ma. Yakɔsi n bara i to.

¹⁶Misira sade dugi maɲingixi na n sade ma,

¹⁷a nun labundɛ xiri fanyi mɔɔli birin na.

¹⁸Fa be, won xa yɛnɛ raba han gɛɛsɛgɛ, won xa won waxɔnyi birin naba,

¹⁹barima n ma xɛmɛ mu na banxi, a sigaxi biyaasi xɔnkuye.

²⁰A bara kɔbiri gbegbe xanin a xun ma, a mu fama fo yi kike ɲɔn.»

²¹A naxa nɔ na xɛmɛ ra a xa kɔɔta saabui ra, a naxa nɔ a ra a xa dɛ iɲɔxunyi ra.

²²Xɛmɛ naxa bira a fɔxɔ ra keren na, alɔ ninge naxan sigafe ninge faxade, alɔ xeli naxan a sanyi rasofe yɛlɛ kui, alɔ xɔni naxan tife gantanyi ma, han tanbɛ fa a bɔɲɛ sɔxɔ, a faxa, a mu a kolon a xa simaya danma mɛnni nɛ.