Taalie 24:1-12

¹I naxa mila mixi ɲaaxie ma, i naxa tin lufe e ya ma.

²E bɔɲɛ kobi, e xa wɔyɛnyi xɔrɔxɔ.

³Lɔnni banxi tima nɛ, xaxili fanyi denbaya rasabati a kui.

⁴Fe kolonyi a niyama nɛ e xa harige sɔtɔ, harige hagigɛ naxan maniyɛ mu na.

⁵Lɔnnila sɛnbɛ gbo, xaxilima sɛnbɛ xun masama nɛ.

⁶I hayi na marasima alako fe xa sɔɔnɛya, xunnakeli sɔtɔma marasimae nan saabui ra.

⁷Lɔnni xɔrɔxɔ xaxilitare bɛ, wɔyɛnyi yo mu na a naxan falama malanyi kui.

⁸Mixi naxan fe ɲaaxi xabuma, a xili nɛ kɔɔta ɲaaxi xabui.

⁹Xaxilitareɲa findixi yunubi nan na. Adamadie mixi mayele xɔnma.

¹⁰Xa limaniya bama i yi ra tɔɔrɛ kui, i sɛnbɛ mu gbo.

¹¹Mixie ratanga naxee na saya kira xɔn ma, e ba mixie yi ra naxee wama e faxafe.

¹²Xa i a falama, «Muxu mu nu a kolon,» naxan bɔɲɛe ma fe kolon, a mu na toma? Naxan ɲɛngi saxi i xa simaya xɔn ma, na mu i furi ife kolon? A mu kankan sare ragbilenma a ma xɛ?