Taalie 20:11-29

¹¹Fonike xa ɲɛrɛ ki tinxinxi a bɔɲɛ ki masenma nɛ.

¹²Tuli naxan fe mɛma, ya naxan se toma, Alatala nan na birin daaxi.

¹³Xixɔli naxa rafan i ma de, xa na mu a ra i findima setare nan na. I ya lanma a xa rasɛgɛ, alako i xa baloe sɔtɔ a fanyi ra.

¹⁴Sareso nan a falama yulɛ bɛ, «Na sare mu fan n bɛ feo,» kɔnɔ a fa keli na xun ma a yɛtɛ matɔxɔfe ra.

¹⁵Xɛɛma nun gɛmɛ tofanyi gbegbe na duniɲa, kɔnɔ lɔnnila xa wɔyɛnyi tide gbo e birin bɛ.

¹⁶Mixi xa sɛɛkɛ se rasuxu a naxan taani xɔɲɛ bɛ, xa na mu a ra a naxan taani langoe bɛ.

¹⁷Donse naxan sɔtɔ wule ra, a fɔlɛ a ɲɔxun, kɔnɔ a raɲɔnyi a luxi nɛ alɔ gɛmɛ xɔri i dɛ i.

¹⁸Marasi fanyi nan wali sɔɔnɛyama. Ɲama naxa gere so marasi xanbi.

¹⁹Naafixi lanlanteya kanama nɛ. I naxa la mixi ra naxan dɛ wuya.

²⁰Mixi na yo a nga nun a baba ma, a duniɲa igirima dimi nan kui.

²¹Harige naxan sɔtɔma mafurenyi ra, na mu buma.

²²I naxa a fala, «N nan n gbeɲɔxɔma nɛ.» I xaxili ti Alatala nan na, a i rakisima nɛ.

²³Alatala mu wama maniya se tinxintare xɔn ma. Sikeeli tinxintare mu fan.

²⁴Alatala nan adamadi xun tima kira nde ra. Ibunadama tan mu nɔma na fahaamude.

²⁵Laayidi tongofe Ala bɛ mafuren mafuren maɲɔxunyi gbegbe xanbi, na findixi gantanyi nan na adamadi bɛ.

²⁶Mangɛ lɔnnila fata mixi ɲaaxie mayegetide, a ti e fari a xɔrɔxɔɛ ra.

²⁷Alatala xaxili fima adamadi ma, a findi a bɛ lanpui ra, alako a xa a yɛtɛ bɔɲɛ mato a fanyi ra.

²⁸Xanunteya nun dugutɛgɛɲa mangɛ kantama nɛ. Mangɛ kibanyi sabatima nɛ mangɛ xa xanunteya saabui ra.

²⁹Fonike sɛnbɛ findixi a xa xunnakeli nan na. Xɛmɔxi xunsɛxɛ fiixɛ findixi a xa binyɛ nan na.