Taalie 1:23-31

²³Wo gbilen fa ra n ma marasie ma. N na n xaxili luma nɛ wo ma, n fahaamui fima nɛ wo ma n ma masenyi xa fe ra.

²⁴N bara wo xili, kɔnɔ wo mu n ma xili ratinxi. N bara n bɛlɛxɛ itala wo bɛ, kɔnɔ wo bara tondi.

²⁵Wo to bara tondi n ma marasie birin na, wo to mu tinxi n ma sɛriyɛ ra,

²⁶n fan fama nɛ yelede wo ma wo xa tɔɔrɛ kui. Gaaxui na wo bɔɲɛe ramini a i, n mu wo malima fefe ma.

²⁷Gaaxui fama nɛ wo lide alɔ turunnaadɛ foye, tɔɔrɛ fama nɛ wo suxude alɔ foye xungbe. Na tɔɔrɛ nun kɔntɔfili na wo li tɛmui naxɛ,

²⁸wo n xilima nɛ, kɔnɔ n mu wo xa xili ratinma. Wo n fenma nɛ, kɔnɔ wo mu n toma,

²⁹barima wo bara xaxilimaya xɔn, wo bara tondi Alatala xa yaragaaxui ra.

³⁰E mu nu wama n ma marasie xɔn, e mu nu wama n ma sɛriyɛ suxufe.

³¹Na kui e fama e xa wali sare sɔtɔde, e fama e ɲɛrɛ ki raɲɔnyi tode.