Taalie 18:1-17

¹Booretare a waxɔnfe gbansan nan fenma, a yo marasi birin ma.

²Xaxilitare mu wama xaxili fanyi xɔn, a wama a yɛtɛ xa maɲɔxunyi nan tun masenfe.

³Mixi ɲaaxie yoma mixie ma, e yoma e ma han e sa yaagi.

⁴Adama xa wɔyɛnyi tilin alɔ baa, a lɔnni raminima naxan luxi alɔ dulonyi ye fanyi.

⁵Nɔndi fife mixi ɲaaxi ma, a mu fan. A mu lanma tinxintɔɛ xa tɔɔɲɛgɛ.

⁶Lɔnnitare sɔnxɔɛ xɔrɛ isɔxɔma, a bɔnbɔɛ sɔtɔma a dɛ saabui ra.

⁷Xaxilitare dɛ a xun nakanama nɛ, a nɛnyi findixi gantanyi nan na a nii bɛ.

⁸Naafixi xa masenyi luxi nɛ alɔ donse ɲɔxunmɛ, naxan goroma mixi furi kui.

⁹Tunnaxɔnɛ nun kasarɛ raba, nee nga keren, e baba keren.

¹⁰Alatala findixi kantari sɛnbɛma nan na, tinxintɔɛ luma naxan niini bun ma.

¹¹Naafuli findixi banna xa kantari nan na, a ɲɔxɔ a ma tɛtɛ na a ra naxan mu nɔma kanade.

¹²Gbaloe na yɛtɛ igboɲa xanbi ra, kɔnɔ nɔrɛ na yɛtɛ magore fɔxɔ ra.

¹³Mixi naxan yaabi fima beenu a xa mixi xui ramɛ, a daxuɲa masenma nɛ, a a yɛtɛ rayaagi.

¹⁴Xaxili limaniyaxi mixi malima nɛ a xa fure kui, kɔnɔ limaniya baxi naxan yi, na mu kelima sɔnɔn.

¹⁵Lɔnnila katama se kolonde, a a tuli matima masenyi fanyi ra.

¹⁶Kira rabixi mixi bɛ naxan ki tima, mangɛe yati tofe sɔɔnɛyama nɛ na kanyi bɛ.

¹⁷Mixi naxan singe a yɛtɛ xun mafalama fe kui, a luma nɛ alɔ nɔndi na a tan nan bɛ, kɔnɔ a kalamuti maxɔrinyi xɔrɔxɔɛ tima nɛ a ma.