Taalie 14:6-17

⁶Mixi mayele lɔnni fenma nɛ, kɔnɔ a mu a sɔtɔma. Lɔnni kolonfe mu xɔrɔxɔ xaxilima bɛ.

⁷I xa i makuya xaxilitaree ra, barima i mu lɔnni yo sɔtɔma e ra.

⁸Lɔnnila a ɲɔxɔ sama nɛ a ɲɛrɛ ki xɔn ma, lɔnnitare tan a yɛtɛ madaxuma nɛ.

⁹Xaxilitare yoma yunubi tongofe ma, kɔnɔ tinxintɔɛ Ala xa hinnɛ nan fenma.

¹⁰Mixi a yɛtɛ xa tɔɔrɛ kolon a bɔɲɛ kui, a mu a xa sɛɛwɛ masenma mixi gbɛtɛ bɛ.

¹¹Mixi ɲaaxie xa denbaya halakima nɛ, tinxintɔɛe tan xa denbaya fanma nɛ.

¹²Mixi ɲɔxɔ a ma a a ɲɛrɛ ki fan, a fa li kɔrɛ a na gbaloe kira nan xɔn ma.

¹³Mixi nɔma yelede a dɛ ra, a tɔɔrɔxi a bɔɲɛ kui. Sɛɛwɛ nɔma mafindide tɔɔrɛ ra.

¹⁴Mixi ɲaaxi yo, mixi fanyi yo, e birin e xa wali sare sɔtɔma nɛ.

¹⁵Xaxilitare lama nɛ mixi birin xa masenyi ra, kɔnɔ xaxilima kira matoma nɛ beenu a xa bira na fɔxɔ ra.

¹⁶Xaxilima gaaxuma nɛ Ala ya ra, a fa gbilen fe ɲaaxi fɔxɔ ra, kɔnɔ xaxilitare tan soma nɛ na fe ɲaaxi kui mafuren.

¹⁷Mixi naxan bɔɲɛ tema mafuren, a daxuɲa nan nabama. Mixi madaxui mu rafan mixi yo ma.