Taalie 13:18-25

¹⁸Mixi naxan tondima marasi ra, a setareɲa nun yaagi sɔtɔma nɛ, kɔnɔ naxan marasi ramɛma, a binyɛ nan sɔtɔma.

¹⁹A ɲɔxun, mixi waxɔnfe na raba a bɛ, kɔnɔ xaxilitare mu tinma gbilende a waxɔnfe ɲaaxi fɔxɔ ra.

²⁰Mixi na lu xaxilima fɔxɔ ra, a fan xaxili sɔtɔma nɛ, kɔnɔ lɔnnitaree xa malan booreɲa, findima tɔɔrɛ nan tun na.

²¹Yunubitɔɛ sare findima fe ɲaaxi nan na, tinxintɔɛ tan sare findima hɛɛri nan na.

²²Mixi fanyi kɛ luma a xa mamadie nan bɛ, yunubitɔɛ tan kɛ luma tinxintɔɛe nan bɛ.

²³Baloe gbegbe minima nɛ setare xa xɛ ma, kɔnɔ tinxintareya luma nɛ kasara ra.

²⁴Babɛ naxan mu a xa di xuruma luxusinyi ra, na di mu rafan a ma. Babɛ naxan a xa di xuruma, na di rafan a ma.

²⁵Tinxintɔɛ wasama nɛ baloe ra, kɔnɔ tinxintare tan luma kaamɛ ra nɛ.