Taalie 11:21-30

²¹Mixi ɲaaxi fama nɛ fe ɲaaxi sɔtɔde, kɔnɔ tinxintɔɛ tan kisima nɛ.

²²Ginɛ tofanyi xaxilitare luma nɛ alɔ xurundɛ xɛɛma daaxi xɔsɛ ɲɔɛ ra.

²³Tinxintɔɛ fama nɛ fe fanyi sɔtɔde, kɔnɔ xɔnɛ nan luma mixi ɲaaxi tan bɛ.

²⁴Mixi naxan bɛlɛxɛ yelefu ki tide, a bannaya sɔtɔma nɛ, kɔnɔ mixi kumaxi tan findima setare nan na.

²⁵Mixi naxan a harige itaxunma, a fama nɛ harige sɔtɔde. Ye xɔli mu luma mixi ma naxan a boore kima ye ra.

²⁶Ɲama mixi dankama nɛ naxan tondima baloe matide, e dubama nɛ mixi bɛ naxan tinma ɲama xa nde sɔtɔ.

²⁷Fe fanyi rabae, fe fanyi sɔtɔma nɛ, kɔnɔ fe ɲaaxi rabae, fe ɲaaxi nan sɔtɔma.

²⁸Mixi naxan a xaxili tima a xa naafuli ra, a fama nɛ birade, tinxintɔɛ tan luma nɛ alɔ burɛxɛ naxan mu lisima.

²⁹Mixi naxan tɔɔrɛ bɛndunma a xa denbaya ma, fe fufafu nan fama findide a kɛ ra. Lɔnnitare fama lude nɛ lɔnnila xa yaamari bun ma.

³⁰Tinxintɔɛe kisima nɛ, lɔnnilae mixie masɔtɔma nɛ.