Taalie 10:4-9

⁴Bɛlɛxɛ walitare setareɲa nan bɛndunma mixi ma, bɛlɛxɛ wakilixi bannaya nan fima mixi ma.

⁵Di naxan wakilima xɛ xaba tɛmui a findixi xaxilima nan na, kɔnɔ di naxan xima xɛ xaba tɛmui a findixi yaagi nan na a baba bɛ.

⁶Barakɛ na mixi tinxinxi fɔxɔ ra, gbaloe bira nɛ tinxintaree fɔxɔ ra.

⁷Tinxintɔɛ xili findima duba nan na, kɔnɔ mixi ɲaaxi xili lɔɛma nɛ.

⁸Lɔnnila tinma lude sɛriyɛ bun ma, kɔnɔ lɔnnitare xa wɔyɛnyi a xun nakanama nɛ.

⁹Mixi naxan ɲɛrɛma nɔndi ra, a ɲɛrɛma kantari nan kui, kɔnɔ mixi naxan mu a ɲɛrɛma tinxinyi ra, na tan fama rayarabide nɛ.