Tɛnɛ Faalaaliiti 4:18-25

¹⁸Telebo nuiti ta-ʋelei ɠɛɛʋɛ eɠɛ, geelaalaosu wozakalagi, nii ma wozakalagi ɠaa yɛsu wɔɔlɔzu, eyɛsu foloi tɛ.

¹⁹Faa ɲɔu ɠɛ nuiti ta-ʋelei ɠɛɛʋɛ eɠɛ kpidii, ti la ti ɠɔɠɔziɠa ani ɠwɛɛ.

²⁰Dòun zunu, woilo dàawooiti ma, woilo ga pagɔ kpɔ̀ɛ wooiti ma.

²¹Mina yeema ti ma, kɛlɛ makɛ ti ma è-yiimaʋɛ.

²²Mazɔlɔɔ niiti ti yeezeizu ti wu, ta ʋa ga zɛnvui naati pɔ, ti kɛdɛyai ve ti-ɓusɛi ya.

²³Makɛ è-yii ma, é leʋe anii pɛ ba, mazɔlɔɔ toɠa zɛnvui wo fai ma ungi su.

²⁴Mina ɓe è-laaʋɛ ʋa, é ʋa ɗa zɛɛiti bo, mina è-lakɔlɔgiti zɛ ná, ti ʋa ɗa yaava ɓɔɛiti bo.

²⁵Ɠaazulo ɠakala ʋelei ʋa, wɛlɛ ɠakalaʋɛ ga pagɔ.