Tɛnɛ Faalaaliiti 30:13-19

¹³Nui tanigaa ta ná, ti ɠaazulɛai, ti ɗa wɛlɛ nui pɛ ba fawuu.

¹⁴Nui tanigaa ta ná, ti-ɲiigaiti ti ga boɠa zɔkpɔiti, ti-ɓalɔ ɠaeiti ti ga boɠaiti, ti ɗa maanɔɠɔ nuiti mi, ti ʋa ɲɛɛlɛ, ti ɠula eteai zu, ti ʋa bala nuiti suwuɠaaleʋe, ti ɠula nuɓusɛiti saama.

¹⁵Moolɛi ná-doun anzanuiti ti fele, ti-laasei ka ga: Fe! Fe! Ani saʋagɔ ɠa ná, ti-yii la lɛiɗa eyɛsu pɛ, eyɛsu pɛ ti la ɠɛa ma: «É kula ɠɛa.»

¹⁶Gɔvɛalaazu, doun zɔlɔɔtala anzanui, zooi, nii ziɛ la ga kpɔɔle wɔinzeɠe ma, kɛlɛ ti-naanisiɛi ɠa ná ɓalaa, abui, nii é la ɠɛa ma: «É kula ɠɛa.»

¹⁷Nui ɠaazuɠɛzɛiti é ɲɛɛɠulazu la kɛɛɠɛ zu, é ɗa woozotalai ɠɛ ga dee, kɔtuɗɛi ma ɠalawɔniiti ta ti ɠula su, koɠɛ yiʋoiti ti ti mi.

¹⁸Faa saʋagɔ ɠa ge la dɛ gaaɠaani, kpudɛai màazu:

¹⁹koɠɛi ɠoʋe pelei geezuʋɛ, kaalii ɓokpo pelei fasai ma, ɓatoi ná-pelei kpoloɗɛi zaamaʋɛ. Kɛlɛ naanisiɛi ɓalaa ɠa ná: zunui ziɛ ʋelei é lo anzalopoi ʋa.