Tɛnɛ Faalaaliiti 2:2-10

²ni ɗa woilona ɠimalai ma, è è-yii ve keleɠelegi ya,

³ungo, ni ɗa wooɠulana faaɠaaɠai ma, ni ɗa keleɠelegi ɠaiziɛna,

⁴ni ɗa gaiziɛna ga walii ɠɛʋele, ni ɗa daana ma kpɛ, è gaiziɛ ga naavolo ɠɛʋele,

⁵názu ɠa è Ɠɔoɠɔ GALAGI ɠaazuluabai ɠwɛɛsu da, ɗa zoo è GALA kwɛɛ.

⁶Mazɔlɔɔ Ɠɔoɠɔ GALAGI ɠa a ɗa ɠimalai ve, daawooi ɠa a ɗa faaɠwɛgi ta keleɠelegi ve.

⁷Toɠa undaanɛɛ vai makɛsu sɔle nuiti bɛ. Eɠɛ kɔɔɠɔ zɛpɛgi, toɠa naati makɛ, niiti ti ziɛzu telebodai zu.

⁸Niiti ti ta-eteai ziɛzu ga sɔledai, toɠa ɓɔ naati ba. Niiti ti bɛ ga wooɠɛɠila nuiti, toɠa ɓaa naati ta-ʋelei maazu.

⁹Ɗa zoo è faiti zɔɠɔzuɠa, telebodai, ta sɔle fai, ta faagaamai, è pele ʋagɔiti kpein kwɛɛ.

¹⁰Mazɔlɔɔ ɠimalai ɠa ʋa é zei è-yiimaʋɛ, faaɠwɛgi ɠa ɠɛ ga è yiima vaiti.