Tɛnɛ Faalaaliiti 2:14-22

¹⁴Ti-yiimai ga faa ɲɔu ɠɛɛ vai, ti ɠoozunɛɛzu ga ti lɔ woya vai zu.

¹⁵Ti ziɛ ʋeleiti maaʋegai, ta-ʋeleiti suzeiʋɛ.

¹⁶Naazu, ɗa ɠizo wɛɛnziɛ anzanui ná-tɛgai ma, é ga koloɠolo anzanui woo nɛɛnɛgiti ti da,

¹⁷nii kɛlɛai sinigi ʋa, é ɠɛni zea ma niinɛ yeei, é yeema ná-vulu minazeɠegi ma, nii é boni ná-GALAGI laaseigi zu.

¹⁸Mazɔlɔɔ maalaaʋena saai ʋɔ pelei, ʋɛ ná ga seizuʋɛ, siɛ ʋelei ɠa liizu la gɔvɛalaazu.

¹⁹Niiti kpein ti liizu pɔ bɛ, taɠila kpalaa ge la ɠalega ma ʋolu, é ʋa ʋa, taɠila kpalaa ge la zɛnvu ʋelei ɠaa.

²⁰Yiimazeɠe ga nu ʋagɔiti siɛ ʋelei, ziɛ ga telebo nuiti siɛ ʋelei.

²¹Mazɔlɔɔ sɔle nuiti ta zei zooi zu, gaama nuiti ta yɛ zeini ná.

²²Kɛlɛ nu ɲɔiti tɔɔ ɠa ɠula ná, woovele nuiti ta ɠula ná ʋa.