Text copied!
CopyCompare
GALA Sɛʋɛi - Tɛnɛ Faalaaliiti - Tɛnɛ Faalaaliiti 21

Tɛnɛ Faalaaliiti 21:8-19

Help us?
Click on verse(s) to share them!
8Ɲamaba nuiti ta ɗa ʋilɛ pele ɠɔɔngugi ʋolu, kɛlɛ lada nuiti siɛ ʋelei zɔlegɛ.
9Fizɔgɛ nu zei fiilɛ zosuʋɛ sokogi zu pɛlɛ ɠɔmaʋɛ, wo ʋa li ɓɔsu zeizu ma, wa kpɔɛleʋe anzanui.
10Faa ɲɔu ɠɛ nui yiimai ɠa ga faa ɲɔu ɠɛɛ vai, anɛɛ bɔɔlai ɓɔɠɔi, é la loga maazu.
11Maaɠolo ɓakɔi a zeelina waso nui ma, zɔi é la dɛ faa mɔinmɔin kwɛɛ, naa ɓalaa ɠa ɗa ɠi sɔlɔɔ, ɗa ɠima nui ɠalana, toɠa ɗa faaɠwɛgi zɔlɔɔ.
12Telebo nui ɠa ɗa ɠida naa kpein bu, nii é ɠɛɛzu faa ɲɔu ɠɛ nuiti ta-ʋɛlɛi wu, siɛgi zu ti lɔɔzu la maanɔɠɔi zu.
13Nui nii é la woilosu maawɔin nui ná-kpee wooi ma, tɔ ɓɔɠɔi ɠa kpeei loo, é la gooɠaaʋote sɔlɔɔga.
14Faanɛɛi é ɠɛɛzu dɔɔɠuzu, naa ɠa ɗa ziiɠaawanai ɠaayei. Lobɛanii é leʋesu dɔɔɠuzu, naa ɠa ɗa ziiɠula golai ɠaayei.
15Toɠa ga koozunɛ vaa telebo nui ʋɛ, sɔle fai a ɠɛna ɠɛa, kɛlɛ naa ɠa ga nimiza vai faa ɲɔu ɠɛ nui ʋɛ.
16Nui nii é zeɠezu ɠi pagɔi ma ʋelei ʋa, ná-dooɠo bosuʋɛ ɠa ɠɛɛzu ga gɔvɛiti ta-maaɓɔgi zu.
17Zɔi ɓɔɠɔyiimai nɛai bɛ, toɠa kpalai ɠwɛɛ, zɔi é ɓɔɠɔ veai dɔɔi ya, ta etea ɠaazuɠulapɔi, é la ɓɛtɛa eyɛsu pɛ.
18Faa ɲɔu ɠɛ nui ɠa é ga telebo nui unmɔɔ ganii, yaava nui ɠɛ ga sɔle nuiti tɔnɔi.
19Fizɔgɛ nu zei zooi ta zu naa vɔai, è mina zei kpɔɛleʋe anzanui ɠoba, ziiɠaawanaai.

Read Tɛnɛ Faalaaliiti 21Tɛnɛ Faalaaliiti 21
Compare Tɛnɛ Faalaaliiti 21:8-19Tɛnɛ Faalaaliiti 21:8-19