Tɛnɛ Faalaaliiti 17:11-17

¹¹Nu ɲɔi ɠa ɗa buzeɠe daalɔɠɔma vai nɔ ɠaiziɛ, keelai é la maawɔinɠa ɠɛa, naa ɠa ɗa leʋe daalɔɠɔma.

¹²Nu ɠomi ga filɛ zua leei, nii ná-ziʋoiti kulaai zea, naa vizɔgɛ, è ʋa ɠomi ga faaɠaaɠaalala nui é ná-titidai zu.

¹³Ni nu a faa ʋagɔi zalana ga faa ɲɔi, maanɔɠɔi la zeɠea maala pɛ.

¹⁴Sakpegi lɔɔzei, naa ɠa é ga è ziɛi luɠɔlosuʋɛ laavie, zeɠe ná, aisa kpɔɛi ʋa leʋe.

¹⁵Nii é losu faa ɲɔu ɠɛ nui ʋolu, ta zɔi é telebo nui ʋeelalazu, ti felegɔ pɛ ti maayoseɠeʋɛ Ɠɔoɠɔ GALAGI ʋɛ.

¹⁶Walii a ɠɛna ɠimalala nui ya, leeni ɠa a kɛ la? Toɠa zoo é ɠimalai ɠeya la ɓaa? Kɛlɛ ɠi pagɔ la zea.

¹⁷Bɔɔla nui ɠa ɗa nɛɛbɛi ɠɛ yeenɔpɛ. Ɠɛɛɠɛloin ɠa ɗa kpɔbai ɠɛ, faaɓaagi a ʋaana.