Tɛnɛ Faalaaliiti 14:1-7

¹Ɠima anzanui ná-pɛlɛyeɠei loni, kɛlɛ ɠimalala gelei nɔnɔi woloni tɔ ɓɔɠɔi.

²Zɔi é ziɛzu telebodai zu, naa ɠa ɗa ziɛ Ɠɔoɠɔ GALAGI ɠaazuluabai zu, kɛlɛ zɔi é ziɛzu ga yaava ʋeleiti, naa ɠa ɗa pɛlɛʋɛlɛ.

³Ɠimalala nui ɠa ɗa maaɠoloi zɔlɔɔ ga daawooiti maaʋele, ɠima nuiti ti-lakɔlɔgiti ta ɗa ti makɛ.

⁴Ʋɛ woza woli nikɛ la ná, daamianigi ɠa daamii ɲakai zu, kɛlɛ nikɛ zinɛi zuvikɛi ɠa a ɗa tɔnɔ golai ve.

⁵Zeelei sɔlegai, é la zɛɛ woga pɛ, kɛlɛ zɛɛ zeelei ɠa ɗa zɛɛ ɓɔɛiti bo.

⁶Anɛɛ ni ɲɛɛɠulasu nui ɠa ɠimalai ɠaiziɛ, é la sɔlɔɔga, kɛlɛ kidafaawu nui ɠa ɗa faaɠwɛgi zɔlɔɔ yɔɔɠɛ nɔ.

⁷Maaɠooza faaɠaaɠaalala nui ʋa, mazɔlɔɔ é la ɠi gila kpalaa fea è ʋɛ.