Suuki 5:1-15

¹«N xanuntenyi, n bara so n ma sansi yire. N xunya, n bara n ma surayi malan, n bara kumi don, n bara wɛni nun xiɲɛ min. N bara a fala n booree bɛ e fan xa e min, e xa xanunteya kolon.»

²«N nu na xife, kɔnɔ n bɔɲɛ mu xixi, a n xanuntenyi xui mɛxi, naxan nu bara naadɛ kɔnkɔn.» Xɛmɛ xa masenyi ginɛ bɛ «N maaginɛ, n dɔxɔginɛ, naadɛ rabi n bɛ. N ma tɔɔkɛ ginɛ, naxan xa tofanyi maniyɛ mu na. Xini bara n xunyi xinbeli, a bara n xunsɛxɛ bunda.»

³«N ɲan nu bara n ma dugi ba, fo n man xa a ragoro n ma? N ɲan nu bara n sanyi maxa, fo n man xa ti bɔxi ma?

⁴N xanuntenyi naxa a bɛlɛxɛ raso naadɛ longori ra, alako a xa a rabi. N bɔɲɛ naxa sɛɛwa a xa fe ra.

⁵N naxa keli alako n xa naadɛ rabi n xanuntenyi bɛ. Labundɛ nu na n bɛlɛxɛ ma, ture nu na n bɛlɛxɛsolee ma. Na birin naxa lu naadɛ rabi se ma.

⁶N naxa naadɛ rabi n xanuntenyi bɛ, kɔnɔ a ɲan nu bara siga. N bɔɲɛ naxa sunnun. N naxa a fen, kɔnɔ n mu a toxi. N naxa a xili, kɔnɔ a mu n ma xili ratinxi.

⁷Taa kantamae to n to, e naxa n suxu, e n bɔnbɔ, e n ma xinbeli dugi muɲa.»

⁸«Darisalamu ginɛdimɛe, n bara wo mayandi, xa wo bara n xanuntenyi to, wo xa a fala a bɛ a xɔli bara n suxu xanunteya xa fe ra.»

⁹«Ginɛ tofanyi fisamante, i xanuntenyi fan a birin bɛ? I bara muxu mayandi barima a fan a birin bɛ?»

¹⁰«N xanuntenyi kiri fiixɛ, a ragbeeli. A kolon ɲɔxun na xɛmɛ wulu fu ya ma.

¹¹A xunyi luxi nɛ alɔ xɛɛma fanyi, a xunsɛxɛ ifɔɔrɔxi alɔ xaxa fɔɔrɛ xabe.

¹²A yae rayabu alɔ ganbɛ naxee tixi xure dɛ ra, e fiixɛ alɔ xiɲɛ, e yanbama alɔ diyaman.

¹³A xɛrɛe luxi nɛ alɔ labundɛ yailande, a dɛ kiri maniyaxi sansi fuge tofanyi nan na, a xiri ɲɔxun.

¹⁴A bɛlɛxɛ tofan alɔ bɛlɛxɛsolerasoe xɛɛma daaxi, diyaman na naxan ma. A fate luxi nɛ alɔ sili ɲinyi fiixɛ, gɛmɛ tofanyi mɔɔli nde, yee masoxi naxan ma.

¹⁵A sanyi sɛnbɛ gbo alɔ fanye fiixɛ, naxan tixi xɛɛma fari. A tofan alɔ Liban, a ite alɔ sɛdiri wuri bilie.