Suuki 4:4-13

⁴I kɔnyi filinxi, a luxi alɔ Dawuda xa yire makantaxi itexi. I xa kɔnmagore maniyaxi sɔɔrie xa makantasee nan na, naxee gbakuxi sɔɔri banxi kanke.

⁵I xiɲɛ firinyi luxi nɛ alɔ bole xa gulie, naxee e dɛ madonma sansie tofanyi tagi.

⁶Soge na goro, kɔɛ naxa so, n tema nɛ labundɛ nun surayi na dɛnnaxɛ.

⁷N xanuntenyi, i tofan, sese mu luxi i xa tofanyi ra.

⁸N ma ginɛ, won xa keli Liban, won xa keli Liban Amana geya fari, Seniri nun Xerimon geyae fari, yɛtɛe nun baratɛe na dɛnnaxɛ.

⁹N ma ginɛ, i n sondonyi rasɛɛwama. N xunya, i na i ya ti n na, n bɔɲɛ ɲɛlɛxinma nɛ. I xa kɔnmagore tofe rafan n ma.

¹⁰N ma ginɛ, i xa xanunteya ɲɔxun n bɛ, dangife wɛni ra. A xiri fan dangife labundɛ ra.

¹¹N ma ginɛ, i dɛ kiri ɲɔxun kumi bɛ, i nɛnyi ɲɔxun dangi kumi nun xiɲɛ ra. I xa dugi xiri luxi nɛ alɔ Liban xiri fanyi.»

¹²«N ma ginɛ, i findixi n gbe nan na, alɔ sansi yire tɛtɛ rabilinxi naxan na. N xunya, i luxi nɛ alɔ n ma kɔlɔnyi, naxan balanxi, mixi gbɛtɛ mu nɔma ye bade naa.

¹³I fan alɔ sansi yire sansi mɔɔli birin na dɛnnaxɛ, alɔ mangoe, laali, sansi xiri fanyi,