28Ti Pabloe tsots laj yavta: ―Mu me xamil aba. Jcotoltutic li'oyuntutic li'to ―xut.
29Hech ti jchabiejchuquele laj sc'an stoj. I'och ti yut chuquel. Toj xi'el ic'ot. C'ot spatan sba ti lum ti stojol ti Pabloe xchi'uc ti Silase.
30Laj yic' loq'uel tal ti yut chuquel. Hech laj sjac'be: ―Totetac, ¿c'u che'el chicol? ―xchi.
31Hech laj yalic: ―Ch'umbo sc'op ti Cajvaltic Jesucristoe, hech chacol xchi'uc sjunul ana ―x'utat.
32Laj yalbe ya'yic ti sc'op ti Cajvaltique xchi'uc scotol ti much'utic te co'ol oyic ti snae.
33Ti jchabiejchuquele laj xpoxtabe syajemalic. I'ac'bat yich' ho' ti ora xchi'uc scotol ti much'utic te co'ol oyic ti snae.