Sua Tutŋana 31:25-27

²⁵Mbulu kini ŋgeezeŋana ta iwe aigau pini, mi ikam ma tomtom tipakuri ma tiso ni moori ŋonoono. Mi mbulu tabe ipet pa kaimer i, na ni imototo som. Pa mbulu pareiŋana ta so ipet, na ni ko imender mbolŋana.

²⁶Ni izzo sua raama ŋgar. Mi ipaute wal kini be tiurur kat lelen pa Anutu mi zin tomtom.

²⁷Ni imborro kat ruumu kini. Irao imbomboorene mi ikam mbulu kembei ta wal maolŋan na som. Ikamam kat uraata.