Text copied!
CopyCompare
Anutu Sua Kini Potomaxana - Sua Tutŋana - Sua Tutŋana 31

Sua Tutŋana 31:16-25

Help us?
Click on verse(s) to share them!
16Ni irru toono ambaimbaiŋan be iŋgiimi ma iwe lene. Mi iŋgiimi toono tana pa pat ta ikamam pa uraata kini na, mi ipaaza ke baen isula.
17Ni maolŋana som. Ni moori uraataŋana.
18Mburooŋo ta ni ikamam na, isipirpir som. Ire kembei iurur ŋonoono. Mi lam kini na, imetmeete som. Pa ni ikamam uraata pa mbeŋ tomini.
19Ni iurpewe koroŋ pakan be isese ma iwe mburu.
20Mi iwelweele namaana mi irairai koroŋ pakan pizin wal sorrokŋan. Mi zin wal ta timbotmbot raama pataŋana na tomini, ni iuluulu zin.
21Sombe lele isaana, na ni irao ikam ŋgar boozo pa na som. Pa iparaŋraŋ wal kini len mburu pataaŋa kek. Wal kini tizebzeebe zin pa mburu ambaimbaiŋan men.
22Tana irao nin tekteege pa mbeŋ som. Pa ni iurpewe len mburu be tikototo zin pa. Mi ni itunu na, izebzeebi pa mburu ndabokbokŋan ta kan mos ambaimbaiŋan na.
23Tomooto ta so iwoolo moori ta kembei, isombe ila ma ziŋan zin kolman tilup zin pa sua, nako tomtom len ŋger pini, mi tire i kembei tomtom ŋonoono.
24Moori ta kembei, ni isese mburu ambaimbaiŋan mi ikamam ŋgomo pa. Mi iurpewe pus bekena tomtom tiŋgiimi mi tila tikam ŋgomo pa.
25Mbulu kini ŋgeezeŋana ta iwe aigau pini, mi ikam ma tomtom tipakuri ma tiso ni moori ŋonoono. Mi mbulu tabe ipet pa kaimer i, na ni imototo som. Pa mbulu pareiŋana ta so ipet, na ni ko imender mbolŋana.

Read Sua Tutŋana 31Sua Tutŋana 31
Compare Sua Tutŋana 31:16-25Sua Tutŋana 31:16-25