Sua Tutŋana 27:1-4

¹Koroŋ tabe kam pa kaimer i, na pakur itum pa pepe. Pa mbulu tabe ipet i, ina nu ute som.

²Sombe wal pakan tiwe kwom mi tipakuru, ina ambai. Mi nu na, kam mbulu pakurŋana ma wit itum urum pepe. Pa ina mbulu ambai som.

³Pat ma magargaara na, koroŋ pataŋan. Tabaada na, ipata. Mi wal kankaanaŋan ta tizorzooro na, ta kembena. Sombe tipagesges iti, ina pataŋana biibi kat be tabaada.

⁴Mbulu ki ketende malmal mi ketende ibayou kat, ina ambai som. Pa sombe tomtom tipas ketende, inako tumuŋai zin som, mi teseseeze matan. Tamen mbulu ki matanda mburmbur, ina sananŋana ma ilip. Re sombe tomtom toro imbuuru ila ki waene, ko rao mender su kereene uunu? Som!