Sua Tutŋana 17:11-13

¹¹Wal sananŋan, ŋgar kizin imbol kat be tikam mbulu zooroŋana. Tana kaimer biibi sa kola ila ma ibalis kat zin. Mi ni ko irao imuŋai zin ri sa som.

¹²Ŋge saŋsaŋŋana ta so ipeebe na, koroŋ ambai som. Sombe la garau ŋgini kini, nako imaŋga mi ikanu. Mi wal kankaanŋan ta tizorzooro na, zin ambai som kat. Pa mbulu kizin talliŋana irao be ipasaana katu. Tana la garau zin pepe.

¹³Tomtom ta so tikam mbulu ambaiŋana pini mi ipokot pa mbulu sananŋana, na ziŋan wal kini mbotŋana kizin ko isaana kat ma imborene ta kembei. Irao ambai mini na som. Som kat.