Sua Tutŋana 14:16-19

¹⁶Tomtom ta le ŋgar ambaiŋana na, imototo kana mi imbotmbot molo pa koroŋ sananŋan. Mi wal kankaanaŋan ta tizorzooro na, tipase pa zitun ma tiso tirao. Tanata timototo som, mi tikamam mbulu talliŋana tabe ipasaana zin i.

¹⁷Tomtom ta so keteene malmal karau, nako ikam mbulu talliŋana. Mi zin wal ta gorgori tirru zaala be tikam mbulu sananŋana na, tomtom tiurur koi pizin.

¹⁸Zin wal ta len ŋgar biibi som na, tipamalmaala mbulu kizin talliŋana, kembei zin naroogo kan tipamalmaala aigau kizin. Mi zin wal ta len ŋgar ambaiŋana na, ŋgar kizin tana iswe zin kembei zan bibip, kembei mogar ta zin king tiurur na.

¹⁹Wal sananŋan ko tilek kumbun pizin wal ambaimbaiŋan. Ko tilala pa wal ndeeŋeŋan ruumu kizin kwon kwon, mi tipakurkur zin.