Sua Tutŋana 11:2-4

²Tomtom ta so ipakurkuri ma iso ni irao, na kaimer ko ka miaŋ. Mi tomtom ta so ikototo itunu, nako ikam le ŋgar ambaiŋana.

³Zin wal ta lelen ŋgeezeŋan na, lelen be tipa pai kizin ma ambai men. Mi ŋgar tana ta ikamam peeze pizin. Tamen zin wal ta so tisu mini mi tiur koi pa zitun wal kizin na, mbulu kizin pakaamŋana ko ipasaana zin.

⁴Anutu isombe iswe kete malmalŋana kini ma ipet kat mat, na koroŋ boozomen ta wal sananŋan tindoundou na, ko irao iuulu zin ri sa som. Tamen mbulu ndeeŋeŋana, ina ikamkewe iti pa meeteŋana.