Text copied!
CopyCompare
Anutu Sua Kini Potomaxana - Sua Tutŋana - Sua Tutŋana 10

Sua Tutŋana 10:6-13

Help us?
Click on verse(s) to share them!
6Wal ndeeŋeŋan na, kampeŋana matakiŋa imbotmbot se kizin. Mi wal sananŋan na, tizzwe malmal tabe tikam i som. Titurkewe.
7Sombe wal ndeeŋeŋan timeete, na tomtom matan lala pa mbulu kizin ambaiŋana mi tipakurkur Anutu pa. Mi wal sananŋan na, zan ko isaana ma isaana kat.
8Wal ta len ŋgar ambaiŋana na, sombe tutut zin, nako tileŋ la kalŋanda. Mi wal kankaanaŋan ta tizorzooro mi kwon perper sorok na, zin ko tisaana ma tila len.
9Tomtom ta so ipa pai kini ma ambai men, na kosasa ko irao be ipasaana kati na som. Tamen zin wal ta tipaŋobŋoobo pa zaala ambaiŋana na, kaimer mbulu kizin ta tikamam ki keŋana na, ko imbot kat mat mi tomtom tiute.
10Zin wal ta matan iparkinmeete pizin na, kaimer ko tikam mbulu sa mi tikam pataŋana piti. Mi wal kankaanaŋan ta tizorzooro mi kwon perper sorok na, zin ko tisaana ma tila len.
11Sua kizin wal ndeeŋeŋan, ina kembei yok lepeene. Pa iuluulu zin tomtom be timbot ambai. Mi zin wal sananŋan na, tizzwe malmal tabe tikam i som. Titurkewe.
12Mbulu ki tuurur koi, ina ikamam ma ŋoŋi imbotmbot la mazwanda. Mi sombe tuurur lelende pizin tomtom, nako matanda mbiriizikaala sanaana kizin, mi takam ŋgar pa mini som.
13Zin wal tau tikilaala ŋgar iŋgoi ta ambai ma ilip na, kwon ipiyotyooto ŋgar ambaiŋana men. Mi zin wal ta len ŋgar somŋan na, teene ko ikan zin!

Read Sua Tutŋana 10Sua Tutŋana 10
Compare Sua Tutŋana 10:6-13Sua Tutŋana 10:6-13