Soũↄ 95:1-11

¹À mↄ wà pↄna wii dↄ Diiwa, wà guladↄ gbɛsi pↄ́ ì wá bↄwa.

²Wà gɛ́ aà aɛ wà aà sáaukpa, wà lɛsi wà aà táasilɛ.

³Asa Dii mɛ́ Lua zↄ̃ↄde ũ. Kía zↄ̃ↄɛ, a dɛ dii píia.

⁴Tↄↄlɛ nↄna ku aà ↄzĩɛ, gbɛ̀sĩsĩ misonaↄá aà pↄ́ɛ.

⁵Ísiaá aà pↄ́ɛ, ↄ̃mɛ kɛ̀, ↄ̃mɛ tↄↄlɛ ikàsa ń a ↄo.

⁶À mↄ wà wúlɛ wá gbɛɛu wà kúlɛ Dii wá Kɛna aɛ.

⁷Asa aàpi mɛ́ wá Lua ũ, wá dɛ aà kpàsa gbɛ̃́ↄ ũɛ, aà sã pↄ́ àlɛ ń dãↄ ũ. Tó a aà lↄↄ mà gbã,

⁸ásu swã́gbãakɛ lá á deziↄ kɛ̀ Mɛliba gↄↄ pↄ́ aa ku Masa guwaiwaiuwao.

⁹Baa kɛ́ aa ma yãkɛaↄ è, aa ma yↄ̃ aa ma gbãa lɛgwà.

¹⁰Ɔ̃ má ye ń gĩyãio e wɛ̃̀ bla, ma mɛ̀ gbɛ̃́ sã́sãaↄnɛ, aa ma yãkɛaↄ dↄ̃o.

¹¹Má ò ń mazĩao ń pↄfɛ̃o ma mɛ̀, aa gɛ̃ ma kã́mabokĩiuo.