1Ɛzala bui Emani lɛ.
2Dii Lua ma Suabana, málɛ wiilɛma fãanɛ ń gwãasĩnao.
3To ma wabikɛa kama, swã́kpa ma wiilɛai.
4Asa yã'ↄ̃ma kↄ̃̀ ma nↄ̀sɛuɛ, ma wɛ̃ni sↄ̃̀ ɛ̀ lɛ́i.
5Wà ma da gbɛ̃́ pↄ́ aalɛ si bɛdauↄu, ma gↄ̃ lán yɛ̃̀ɛɛsaidewa.
6Wà ma ya ma kpa gɛↄ guu lán gbɛ̃́ pↄ́ wúlɛa miau sↄlↄlↄↄwa. An yã́ dↄngu lↄo, aa bↄ̀ n ↄu.
7N ma zu ɛ̀ zòolo guu e tↄↄlɛ nↄna gbã́o gusiau.
8N pↄkũma tↄ̃̀a, a ísↄ̃ lɛ́ ma lɛ́.
9Ń tò ma gbɛ̃́ↄ ma vũaa, ń tò aa ye ma gĩyãio. Wà ma kaka, bↄkĩi kuo.
10Ĩadama ma wɛ́ siakũ̀, málɛ lɛzunzi za kↄↄ e oosi, ma ↄↄ dↄanzi.
11Gɛↄ ni yãbↄnsaɛkɛnɛ́a? Gyaadeↄ mɛ́ aaì fɛlɛ n sáaukpaa?
12Wì n gbɛ̃kɛ galikɛ miau yã̀? Wì n náaiyã'ò kaalɛu yã̀?
13Wa n dabudabuↄ dↄ̃ a gusiau yã̀? N maakɛaↄ dↄ̃a ku wɛ́sia guu yã̀?
14Dii, mi wiilɛma, ma wabikɛa kↄↄ ì ka n kĩ́i.
15Bↄ́yãi ńlɛ gímazii, Dii? Àkɛa n mikpɛlìmɛɛi?
16Má kú ga lɛ́zĩ wɛ̃nannↄ za ma ɛ̀waasogↄↄ, n wɛ́tɛ̃amↄanɛ́ tↄ̃̀a, ma gↄ̃ sã̀ii.
17N pↄpaamazi mà ma mia, n vĩa pↄ́ↄ lɛ́ ma midɛ.
18A daamala lán íwa za kↄↄ e oosi, à kũ̀aaa míↄmiↄ.
Soũↄ 88
Soũↄ 88:1-18