Soũↄ 81:6-15

⁶À yã́pi dà Yosɛfu buiↄnɛ gↄↄ pↄ́ à ã̀na Egipiↄwa. Aa lↄↄ pↄ́ aai ma yãao mà à mɛ̀:

⁷Ma aso gò á gã̀u, ma á ↄ bↄ̀ ɛ̃u.

⁸A wiilɛ̀a taasikɛgↄↄ, ↄ̃ ma á bↄ́, má wèwá asii guu ń louvĩao. Ma á lɛ́ ma á gwá Mɛliba í kĩ́i.

⁹À swã́kpa ma gbɛ̃́ↄ, mí lɛdawá. Á Isailiↄ, à ma yãma lé!

¹⁰Ásu àↄ dii pãle vĩo, ásu kúlɛ dii zĩ̀loɛo.

¹¹Mámɛ má Dii á Lua ũ, ma á bↄ́lɛ Egipiɛ. À á lɛ́ ɛlɛ, mí tó à kã́.

¹²Ɔ̃ Isailiↄ i ma yãmao, ma gbɛ̃́piↄ i misiilɛmɛɛo.

¹³Ɔ̃ ma ń tó ń ń swã́gbãao, aa tɛ́ ńzĩa pↄeãi.

¹⁴Tó Isailiↄ sↄ̃́amazi, tó ma gbɛ̃́piↄ tɛ ma yã́i,

¹⁵dↄ̃ ma ń ibɛɛↄ bùsanɛ́ gↄ̃̀ↄgↄ̃ↄ, ma ↄzↄ̃̀ ń wɛ̀lɛpiↄzi.