Soũↄ 69:18-29

¹⁸Ńsu mikpɛli n zↄ̀blenaɛo, wea kpakpa, asa ma gↄ̃ yeelɛaɛ.

¹⁹Sↄ̃mazi, ma misi, ma suaba ma ibɛɛↄ yã́i.

²⁰Ń ma sↄ̃́sↄ̃a ń widaaao ń ma kpɛbↄao dↄ̃, ńlɛ gbɛ̃́ pↄ́ aa yã́kũamanↄↄ e.

²¹Sↄ̃́sↄ̃a ma sↄ̃ zↄ̃̀, ma gↄ̃ yɛ̃̀ɛɛsai, gbɛ̃́ pↄ́ a ma wɛgwa ↄ̃ má wɛ̀ɛlɛ, mi eo, gbɛ̃́ pↄ́ a ma nↄ̀sɛ nínimɛɛ ↄ̃ ma wɛdↄ̀i, a kuo.

²²Aa ɛsɛ vãi kàmɛɛ blɛu, kɛ́ imi ma kũ gbãa, aa vɛ̃ɛ kũ̀ma kpàa.

²³To an dikpɛkɛa gↄ̃nɛ́ bai ũ, wà ń kṹ, to an kua aafia yã'inɛ́.

²⁴To an wɛ́ siakũ, kɛ́ aasu gu'eo, to an wó gↄ̃ koolonnↄ gↄↄpii.

²⁵Ǹ n kpɛ̃nɛmuu bↄbↄmá, ǹ n pↄkũma pãsĩ pisimá.

²⁶An bòo gↄ̃ bòo zia ũ, an gbɛ̃e su àↄ ku kɛ́ à zↄ̃lɛ ń kpɛ́u lↄo,

²⁷asa aaì ĩada gbɛ̃́ pↄ́ ń gbɛ̃̀waɛ, aaì gbɛ̃́ pↄ́ ń zↄ̃̀ wãwã galikɛ.

²⁸Ǹ ń yã́ píi tàaeↄ dańla, an baa su àↄ ku n gbɛ̃suabaa guuo.

²⁹Ǹ ń tↄ́ waa wɛ̃ni taala guu, an tↄ́ su àↄ ku lá doũ guu ń gbɛ̃maaↄ tↄ́oo.