Text copied!
CopyCompare
Bibeli Luayãtaalá - Soũↄ - Soũↄ 68

Soũↄ 68:23-35

Help us?
Click on verse(s) to share them!
23Dii mɛ̀: Má á bↄlɛ Basana bùsuu, má á bↄlɛ ísia títiu,
24kɛ́ à á gbáↄ pípi ń á ibɛɛↄ auo, á gbɛ̃ↄ lɛ́naↄ i ń baa ewà.
25Lua, wa n gbɛ̃́ↄ è aa dↄ̀dↄkↄ̃wa, ma Lua ma Kía, aalɛ mↄ́ n kúkĩi.
26Lɛ̀sinaↄ dↄaaa, pↄlɛnaↄ tɛ zã́, wɛ̃́ndia sɛ̃́sɛ̃mpanaↄ ku guo.
27À Lua tↄbↄ balu guu, à Dii kpɛla Isailiↄ kↄ̃kãaau.
28Nɛ́ gↄ̃zãna Bɛ̃yãmɛɛ buiↄ mɛ́ dↄaaa, bee gbɛa Yuda kíaↄ ń ń gbɛ̃́ↄ ń Zabulↄni bui kíaↄ ń Nɛfatali bui kíaↄ.
29Á Lua dìlɛɛ́ àↄ gbãa. Lua, bↄ ń n gbãa pↄ́ ń ↄ̀lↄwɛ̃ɛo.
30Kíaↄ mↄnɛ ń ń gbaↄ n kpɛ́ pↄ́ kú Yelusalɛũ yã́i.
31Zↄa dↄ ílɛnↄbↄ Egipiwa, zↄadↄ buiↄ swanaↄ ń ń gbɛ̃́ↄwa. Ãnusu gopana tↄ̃́má, gbɛ̃́ pↄ́ zĩkaa ì kɛnɛ́ naↄ fãaa.
32Egipiↄ gbɛ̃́ↄ zĩma, Etiopiↄ wã aa ↄdↄnzi, Lua.
33Dṹnia kpalablenaↄ, à lɛsi Luaɛ, à Dii táasilɛ.
34A di lounaa kpɛ musumusu za zizi, à ma, àlɛ pũna gbã́ugbãu.
35À Lua gbãa galikɛ, wa aà zↄ̃ↄkɛ dↄ̃ Isailiↄwa, aà gbãa ku luabɛpuanau.

Read Soũↄ 68Soũↄ 68
Compare Soũↄ 68:23-35Soũↄ 68:23-35