Soũↄ 59:5-17

⁵mi zãnɛ́ yãewao, ↄ̃ aa kú ń naaamanↄ sↄuo. Ma wɛgwa! Fɛlɛ mↄ dↄmalɛ!

⁶Mpi Dii Lua Zĩgↄ̃de, Isailiↄ Lua, fɛlɛ ĩada bui píiwa. Ńsu bↄnkpɛde vãipiↄ wɛ̃nagwao.

⁷Aaì ɛa su oosi lↄ, aaì wɛ̃́lɛ kɛɛlɛ, aaì hɛ̃̀ɛkɛa lán gbɛ̃ↄwa.

⁸Gwa, an lɛ́'i lɛ́ tↄ̃́, fɛ̃na kpá ń lɛ́u. Aaì mɛ ńlɛ ń yãmao.

⁹Mpi sↄ̃ Dii, ni ń yáalↄ, ni bui píi láanikɛ.

¹⁰Lua ma gbãa, ma wɛ́ dↄnzi, ḿmɛ ń ma aafia'ekĩi ũ.

¹¹Lua a dↄaamɛɛ a gbɛ̃kɛ guu, a to mà tidↄ ma wɛ̀lɛpiↄla.

¹²Dii wá sɛ̀ngbao, ńsu ǹ ń dɛdɛo, kɛ́ an yã́ su sã ma gbɛ̃́ↄguo yã́i. To aa olo'olobo, ní ń kwɛ́ ń n gbãao.

¹³Yã́ pↄ́ ì bↄ ń lɛ́uá duunaɛ. To an tòe ń pui, asa aaì lɛgbɛ̃ pãɛ aaì gbɛ̃́ ká.

¹⁴Ǹ ń midɛ ń pↄkũmao, ǹ ń bãdɛ, aasu wàↄ ku lↄo. Gbɛ̃́ pↄ́ kú e tↄↄlɛ lɛ́waↄ i dↄ̃ Lua mɛ́ lɛ́ kible Yakↄbu buiↄwa.

¹⁵Aaì ɛa su oosi, aaì wɛ̃́lɛ kɛɛlɛ, aaì hɛ̃̀ɛkɛa lán gbɛ̃ↄwa.

¹⁶Aaì liaaliaa wàↄ pↄblea wɛɛlɛ, tó aai kão, aaì gbokɛɛ.

¹⁷Mapi sↄ̃ má lɛsi n gbãa yã́ musu, má gulakɛ kↄↄ n gbɛ̃kɛ yã́ musu, asa ḿmɛ ń ma aafia'ekĩi ũ, ḿmɛ ń ma ulɛkĩi ũ taasikɛgↄↄzĩ.