Soũↄ 44:4-14

⁴An fɛ̃nda mɛ́ ń ká bùsupiwao, an gã̀sa gbãa ↄ̃ aa zĩblèòo. N zĩa gã̀sa gbãa mɛ́ kɛ̀, n kuańnↄ gupùnɛ́, kɛ́ ń yeńzi yã́i.

⁵Ḿmɛ ń ma kía ũ ma Lua, ni to Yakↄbu buiↄ zĩble.

⁶Ń n báaao wi ↄpɛ wá ibɛɛↄwa, ń n tↄ́o wi ↄ̃zↄ̃ wá wɛ̀lɛpiↄwa.

⁷I kɛ ma sá málɛ a náaikɛo, i kɛ ma fɛ̃nda mɛ́ ì ma bↄo.

⁸Asa ḿmɛ ni wá sí wá ibɛɛↄwa, ni wida wá zangudeↄwa.

⁹Lua, wiↄ n táasilɛ gↄↄpii, wiↄ n tↄbↄ láasai.

¹⁰Ń beeo n ↄpɛ̀wá ń tò wí wá kṹ, nili bↄ ń wá zĩgↄ̃ↄ lↄo.

¹¹Ń tò wa pↄ̀ↄbↄzãkɛ̀ wá ibɛɛↄnɛ, ń tò wá zangudepiↄ wá pↄ́ↄ nàaa.

¹²N ń gbá zɛ́ aa wá dɛdɛ lán sãↄwa, n wá fãaa buipãleↄ guu.

¹³N n gbɛ̃́ↄ yìa àa'aa, ni ài'e ń yíaa yã́ musuo.

¹⁴Ń tò wá saɛdeↄ wá sↄ̃sↄ̃, gbɛ̃́ pↄ́ liaawáziↄ wá láanikɛ̀.