Soũↄ 39:6-13

⁶N ma wɛ̃ni lɛ́ yↄ̃̀ n ↄtão, ma kua dɛ wɛ́ ń níola n kĩ́io. Gbɛ̃́pii ì gɛ̃zɛa lán ĩ́anawaɛ,

⁷gbɛ̃nazĩna bɛa ìↄ dɛ lán uenawaɛ. Ì kɛ bã̀abãa ì àizɛɛ kãaa, ãma a dↄ̃ dé a gↄ̃ɛ̀o.

⁸Lá màaɛ, bↄ́ má wɛ́ aↄ dↄi lↄi? Ḿmɛ ma wɛ́ dↄnzi, Dii.

⁹Ma tàaeↄ kɛ̃a, ńsu to mìsaideↄ ma àlafiikɛo.

¹⁰Ma lɛ́ kpaaũa, mi a lɛ́ wɛ̃aao, asa ḿmɛ n yã́pi kɛ̀.

¹¹Ńsu ma gbɛ̃ lↄo, n ↄgbala lɛ́ ma kãsãnkɛ.

¹²Ni gbɛ̃́ toto, ni aà wɛtã aà duuna yã́i, ni aà àizɛɛ sóso lán blɛ́wa. Gbɛ̃́pii ì gɛ̃zɛa lán ĩ́anawaɛ.

¹³Ma wabikɛa si Dii, swã́kpa ma wiilɛai. Ńsu swã́kaka ma ↄ́ↄlↄaɛo, asa n nibↄn ma ũ, má dɛ bↄ̀mↄ ũ lán ma deziↄwaɛ.