Soũↄ 37:3-22

³Dii náaikɛ, níↄ yãmaakɛ. Zɛ n bùsuu, níↄ inamiu.

⁴To n pↄ kɛ Diiwa na, i n gba pↄ́ pↄ́ n nↄ̀sɛ yei.

⁵Zɛ ń Diio, ǹ aà náaikɛ, i yã́ɛ beeↄ kɛnɛ:

⁶A tó yã́ bↄnnↄ na lán gudↄawa, a to ǹ bↄ maa lán fãanɛwa.

⁷Lɛkpaaũ Dii aɛ, ní sↄ̃́aaàzi, ńsu to saasɛna yã́ n kũ gbãa gↄↄ pↄ́ aà yã́ lɛ́ bↄlɛiɛo.

⁸Pↄkũma tó, mikɛ̃ pↄpaawa. Ńsu to yã́ lí n kũ gbãao, ì mↄ́ ń vãikɛaoɛ.

⁹Asa gbɛ̃vãiↄ midɛ, gbɛ̃́ pↄ́ an wɛ́ dↄ Diiziↄ mɛ́ aa gↄ̃ bùsu vĩ.

¹⁰À gↄ̃̀ yↄↄ kɛ́ gbɛ̃vãiↄ aaↄ ku lↄo, baa tó n ń wɛɛlɛ, ńyↄ̃ ń eo.

¹¹Zĩabusanaↄ mɛ́ aaↄ bùsu vĩ, aaiↄ pↄnakɛò ń aafia zↄ̃ↄo.

¹²Gbɛ̃vãi ì vãikpaaĩ ń gbɛ̃maao, ì lɛ́sakãaàzi.

¹³Ãma Dii ìↄ aà yáalↄ, asa a dↄ̃ aà gↄↄ a pa.

¹⁴Gbɛ̃vãiↄ ì fɛ̃nda wo, aaì ń kakpa sáa, kɛ́ aa e taasideↄ ń wɛ̃nadeↄ kwɛò, aai gbɛ̃́ pↄ́ an yãkɛa maaↄ dɛdɛ.

¹⁵An zĩa fɛ̃nda a ń zↄ̃ ń sↄ̃u, wa ń sáↄ ɛ́'ɛnɛ́.

¹⁶Yↄↄna pↄ́ gbɛ̃maa vĩ dɛ gbɛ̃vãi dasiↄ àizɛɛa.

¹⁷Asa gbɛ̃vãiↄ gbãa a midɛ, ãma Dii ìↄ gbɛ̃maaↄ kũa.

¹⁸Dii tàaesaideↄ yã́ dↄ̃, an kpaalɛ ìↄ dɛ ń pↄ́ ũ gↄↄpiiɛ.

¹⁹Wí a ń kṹ yãpãsĩgↄↄo, baa tó nↄana kà, aaↄ kãaɛ.

²⁰Ãma gaga a gɛ̃ gbɛ̃vãiↄgu, Dii ibɛɛↄ láa lá sɛ̃̀bↄlↄ ì láawa, aa gɛ̃lɛ lán súɛlɛwa.

²¹Gbɛ̃vãi ì pↄ́ sɛ̃amá, ìli a fĩaboo, gbɛ̃maa sↄ̃ ì gbada sↄũsↄũ.

²²Gbɛ̃́ pↄ́ Dii báaadàńguↄ mɛ́ aa gↄ̃ bùsu vĩ, gbɛ̃́ pↄ́ à lɛkɛ̀nɛ́ↄ sↄ̃ aa midɛ.