Soũↄ 35:11-28

¹¹Seelade ɛgɛnaↄ ì fɛlɛmanↄ, aaì yã́ pↄ́ má a yã́ dↄ̃o lalaa.

¹²Aaì maa fĩabomɛɛ ń vãio, ↄ̃ ma gↄ̃ gbɛ̃ando ũ.

¹³Tó aalɛ gyãkɛ yãa sↄ̃, mi zwã̀nkasa daɛ, mi azĩa kɛ̃́sã ń lɛyeao, mi wabikɛnɛ́ láasai,

¹⁴lá aa dɛ ma gbɛ̃na ge ma gbɛ̃́ ũwa. Miↄ bɛ mipɛlɛa ń oosisio, lá ma da málɛ wɛ̃nakɛɛ̀wa.

¹⁵Ãma kɛ́ ma gɛ̃mbↄlɛ, aa kã̀aamazi ń pↄnao, aa ma zãmakɛ̀ aa ã̀naa, aa ĩadàa láasai.

¹⁶Aa ma àlafiikɛ̀ pãsĩpãsĩ, aa lɛ́sakã̀mazi.

¹⁷Dii, ńyↄ̃ↄ ma gwa màa e bↄɛ ni? Nↄ̀ↄmusupiↄ lɛ́ ma taitai, ma símá màↄ ku.

¹⁸Má n tↄbↄ balu guu, má n táasilɛ dasi guu.

¹⁹Ńsu to ma ibɛɛↄ tidↄmalao, ńsu to gbɛ̃́ pↄ́ zamagu pãↄ ma gwa ń wɛdooo.

²⁰Yãna lí bↄ ń lɛ́uo, aaì yãdↄ yãkelesaideↄwa.

²¹Aaì lɛ́ ɛlɛa aa mɛ: Ɛ̃hɛ̃, ɛ̃hɛ̃, wá wɛ́ mɛ́ è.

²²Dii, n wɛsìɛ, ńsu ǹyↄ̃ nílɛao, ma Dii, ńsu ǹyↄ̃ zã̀manↄo.

²³Ma Lua, fɛlɛ zɛmanↄ, ma Dii, tó yã́ bↄmanↄ na.

²⁴Ni yãkɛ a zɛ́wa Dii, yãnakpaa, ma Lua, ńsu to aa tidↄmalao.

²⁵Ńsu to aa o ń sↄ̃u wa ma nɛo, ńsu to aa o wa ma mↄ bɛ̃̀ɛo.

²⁶Lá aalɛ pↄnakɛ ma yã'ea musu, to wí ń kṹ, mí ń kpɛ e. Lá aalɛ zↄ̃ↄkɛ blea, widamá, ní ń kpɛbↄ.

²⁷To gbɛ̃́ pↄ́ ma bↄa maa ì kɛnɛ́ naↄ pↄnakɛ, aai wiidↄi. To gbɛ̃́ pↄ́ ma bↄa aafia ì káńguↄ o gↄↄpii, Dii mɛ́ zↄ̃ↄ.

²⁸Mapi sↄ̃ má n náaiyã'ò, míↄ n táasilɛ gↄↄpii.