Soũↄ 31:11-19

¹¹Pↄsia lɛ́ ma wɛ̃ni mↄsↄ, aaukɛa lɛ́ ma wɛ̃ lao, làasoo tò má yɛ̃̀ɛɛ vĩ lↄo, ma wáↄ kɛ̀ múumuunnↄ.

¹²Ma gbɛ̃́deeↄ ì sakamagu ma ibɛɛↄ yã́i, ma yã́ ì ma gbɛ̃́ↄ vĩakũ maamaaɛ, gbɛ̃́ pↄ́ lɛ́ kpaaũmanↄ gãaɛↄ ì pãalɛmɛɛ.

¹³Ma yã́ i dↄ gbɛ̃egu lↄo ma gↄ̃ lán gɛwa, ma gↄ̃nɛ́ lán oogboowa.

¹⁴Miↄ ma gbɛ̃́ dasiↄ lɛ́ ma pe, vĩa pↄ́ↄ liaamazi. Aaì kãaa aa lɛkpaaĩmazi, aaì lɛdoũkɛ ma wɛ̃nibↄa yã́i.

¹⁵Mapi sↄ̃, ḿmɛ má n náai vĩ, Dii, mi mɛ ma Luan n ũ.

¹⁶Ma wɛ̃ni ìↄ ku n ↄzĩ gↄↄpiiɛ, ma si ma ibɛɛ pↄ́ lɛ́ ma wɛↄwa.

¹⁷Mapi n zↄ̀blenawa wɛgwa, ma suaba n gbɛ̃kɛ yã́i.

¹⁸Dii, ńsu to wí ma kũo, asa ma lɛzùnzi. To wí vãikɛnaↄ kṹ, to an lɛ́ àↄ kpaaũa tɛ̃́ɛnau,

¹⁹to an lɛ́na ɛɛtonaↄ naalɛ. Aaì dↄ́ɛ ń gbɛ̃maaↄ, aaì sakańgu ń ĩ́andãao.