Soũↄ 25:6-21

⁶N sùuu ń n gbɛ̃kɛo aↄ dↄngu, asa ń vĩ za káauɛ, Dii.

⁷Ńsu tàae pↄ́ má kɛ̀ↄ yãdao ge duuna pↄ́ má kɛ̀ ma ɛ̀waasogↄↄ. Ma yã́ àↄ dↄngu gbɛ̃kɛ guu, kɛ́ ń maa yã́i, Dii.

⁸Dii maa, ì yãkɛ a zɛ́wa, bee yã́i ì a yãdada duunkɛnaↄnɛ.

⁹Ì zĩabusanaↄ da a zɛ́wa, ì yãmaa dadanɛ́.

¹⁰Dii ìↄ gbɛ̃kɛ ń náaio vĩ ń gbɛ̃́ pↄ́ zɛ̀ ń a bàakuańnↄ yã́o.

¹¹Baa kɛ́ ma duuna zↄ̃ↄ Dii, sùuukɛmanↄ n tↄ́ yã́i.

¹²Démɛ Dii vĩa vĩi? Dii ì ade da zɛ́ pↄ́ dɛ aà sɛwa.

¹³Ade aↄ ku nama guu, aà buiↄ mɛ́ aa gↄ̃ ń bùsu vĩ.

¹⁴Dii gbɛ̃kɛ vĩ ń a vĩakɛnaↄ, ì to aaↄ a bàakuańnↄ yã́ dↄ̃.

¹⁵Ma wɛ́ ìↄ pɛ Diiwa gↄↄpii, asa ↄ̃mɛ ì ma gbá bↄ bau.

¹⁶Ma wɛgwa, wɛ̃nadↄ̃mɛɛ, asa má kú mado ń taasio.

¹⁷Ma yã'ↄ̃maↄ kↄ̃̀ ma nↄ̀sɛ guu, ma bↄ ma wɛ́tɛ̃api guu.

¹⁸Ma taasi ń ma pↄsiao gwa, ní ma duuna woloa píi.

¹⁹Gwa lá ma ibɛɛↄ lìgua, aa zamagu pãsĩpãsĩ.

²⁰Ma wɛ̃ni dↄ̃́a, ní ma misi, ńsu to wí ma kũo, asa ma nanziɛ.

²¹To sĩana ń kua maao àↄ ma dↄ̃́a, asa ma wɛ́ ìↄ dↄnziɛ.