13Lousisia dↄ̀aa aà gawi pílɛaɛ, lougbɛ kwɛ̀, lou pìlɛpilɛ pãsĩpãsĩ.
14Dii Musude pàla za musu, aà lↄↄ dↄ louvĩa ũ.
15À ka fã̀ ma ibɛɛↄgu à ń fãaa, Lua sùmá à ń yá.
16Kɛ́ n palamá Dii, ísia tↄↄlɛ bↄ̀ gupuau, kɛ́ n pↄbↄ̀ n níu, dṹnia zĩ́na bↄ̀ puizi.
17À ↄbↄ̀ za musu à ma kũ, à ma bↄ ísiu.
18À ma si ma ibɛɛ gbãawa ń ma wɛ̀lɛ pↄ́ an gbãa dɛmalaↄ.
19Aa ã̀naa ma wɛ̃nakɛgↄↄ, ↄ̃ Dii zɛ̀manↄ.
20À ma bↄ à ma gba dɛ̀ɛpookĩi, à ma mìsi kɛ́ a yemazi yã́i.
21Dii yãkɛ̀mɛɛ ma nↄ̀sɛmaa lɛ́u, à fĩabòmɛɛ ma gbãsĩsai lɛ́u.
22Asa má Dii yãdilɛaↄ kũa, mi vãikɛ ma a Lua tò weo.
23Aà ikoyãↄ ìↄ dↄaaamɛɛ, mi bↄ yã́ pↄ́ a dìlɛↄ kpɛo.
24Ma kua tàae vĩ Diiɛo, má azĩa kũa duunasai.
25Dii fĩabòmɛɛ ma nↄ̀sɛmaa lɛ́u, asa a è má kú gbãsĩsaiɛ.
Soũↄ 18
Soũↄ 18:13-25