Soũↄ 145:3-15

³Dii zↄ̃ↄ, à kà wà aà táasilɛ, aà zↄ̃ↄkɛ lɛ́ vĩo.

⁴Kpàiↄ n yãkɛaↄ sáaukpa Wueↄnɛ, aa n yãzↄ̃ↄkɛaↄ galikɛ.

⁵Aa n maa zↄ̃ↄ gawide yã'o, má n yãbↄnsaɛkɛaↄ wàaipa.

⁶Aa n dabudabukɛa gbãa yã'o, mí n zↄ̃ↄkɛ dau siunɛ́.

⁷Aa n maakɛa zↄ̃ↄ baokpa, aai gulakɛ n yã́zɛdekɛaↄ yã́i.

⁸Dii sùuu vĩ ń sósobio, aà pↄ lí pa kpaao, a gbɛ̃kɛ vĩ zↄ̃ↄ.

⁹Dii ì maakɛ gbɛ̃́piiɛ, ì a pↄkɛaↄ wɛ̃nagwa píi.

¹⁰Dii, n pↄkɛaↄ n sáaukpa píi, n yãmanaↄ n tↄbↄ.

¹¹Aa n kpala gawi faai bo, aa n iko gbãa yã'o.

¹²Aa n yãzↄ̃ↄkɛaↄ da gbɛ̃́ↄnɛ ń n kpala maa gawide yã́o.

¹³N kpalaá kpala láasaiɛ, ńyↄ̃ↄ dɛ kía ũ wɛ̃̀ píiɛ. Dii náai vĩ a yã́pii musu, a sùuu vĩ ń a pↄkɛaↄ píi.

¹⁴Dii ì gbɛ̃́ pↄ́ lɛ́ lɛ́lɛↄ kṹ, ì gbɛ̃́ pↄ́ taasi tↄ̃̀máↄ fɛlɛ.

¹⁵Pↄ́pii wɛ́ dↄnzi, ni blɛ kpámá a gↄↄwa.