38Yã́ pↄ́ ń ò kɛ mapi n zↄ̀blenaɛ, lɛ́ pↄ́ ń gbɛ̃̀ n vĩakɛnaↄnɛpi.
39To sↄ̃́sↄ̃a pↄ́ má a vĩa vĩ gɛ̃ ma swã́ kpɛ, asa n yãkɛkɛa maaɛ.
40Má ye n ↄtondↄkĩii fá, ma lɛ́ ń láo n maakɛa guu.
41Dii, mↄ gbɛ̃kɛkɛmɛɛ, ma suaba lá ń òwa,
42mí yã́zãsi ma sↄ̃̀sↄ̃nawa, asa málɛ n yã́ náaikɛ.
43Ńsu to màↄ ku sĩana'oanɛ́ saio, asa n ikoyãↄ ↄ̃ ma wɛ́ dↄi.
44Máↄ n ikoyãↄ kũa za gbã e gↄↄpiiɛ,
45míↄ bɛ ma laaiwa, asa ma n ↄtondↄkĩi wɛ̀ɛlɛɛ.
46Má n yã'onɛↄ o kíaↄnɛ, wí a ma kũo.
47N yãdilɛaↄ ì ma pↄ kɛ na, asa má ye yã́piↄiɛ.
48Má ye n yãdilɛaↄi ↄ̃ ma ↄdↄi, mi làasookɛ n yãdilɛnɛↄwa.
49To yã́ pↄ́ ń ò n zↄ̀blenaɛ dↄngu, asa ń tò ma wɛ́ dↄiɛ.
50Ma nↄ̀sɛ ì níni ma taasikɛa guu, asa n yã́ mɛ́ ì ma lɛ́ ń láo.
51Waladeↄ lɛ́ ma yáalↄ maamaaɛ, ń beeo má pãalɛ n ikoyãɛo.
Soũↄ 119
Soũↄ 119:38-51