116Ǹyↄ̃ ma kũa lá ń òwa, míↄ ku, ńsu to tãmaa ma nɛo.
117Ǹyↄ̃ dɛ ma gbãa ũ, míↄ aafia, ma wɛ́ iↄ pɛ n yãdilɛnɛwa láasai.
118Ɔzↄ̃ gbɛ̃́ pↄ́ pã̀alɛ n yãdilɛnɛɛi, an mↄafiliyã a àikɛnɛ́o.
119Ni dṹnia vãikɛnaↄ waa bìsa ũ, a yã́i tò má ye n yã'onɛi.
120Má n vĩa vĩ, ma mɛ ì seenata, n ikoyãↄ ì to vĩa ma kũ.
121Ma yãkɛ̀ a zɛ́wa wásawasaɛ, ńsu ma to ma ĩadamadeↄnɛo.
122Kpɛ́gaausi mapi n zↄ̀blenaɛ, ńsu to waladeↄ ma wɛtão.
123Ma wɛ́ dↄ n dↄnlɛi e ma wɛ́ wò, má sↄ̃́anzi ǹ ma suaba lá ń òwa.
124Yãkɛmɛɛ n gbɛ̃kɛ guu, ní n yã́ da mapi n zↄ̀blenaɛ.
125N zↄ̀blenan ma ũ, ma gba ↄ̃nↄ, kɛ́ mà n yã'onɛↄ yáasi dↄ̃.
126N yãkɛgↄↄ kà, Dii, wàlɛ bↄ n ikoyã kpɛ.
Soũↄ 119
Soũↄ 119:116-126