Text copied!
CopyCompare
Buka Helaga - SOLOMONA ENA ANE - SOLOMONA ENA ANE 2

SOLOMONA ENA ANE 2:2-11

Help us?
Click on verse(s) to share them!
2Hahine edia huanai egu lalokau hahine be, sosana palauapalaua, ava ginigini edia huanai bamona.
3Tau edia huanai egu lalokau tauna be, apolo auna, uda audia edia huanai bamona. Iena ikerukeruna lalonai, lau helai mai moale bada danu. Iena au huahua be lau dekenai, idia gaiho namo herea.
4Iena aria ruma dekenai lau ia hakaua lao, iena pepe egu kwarana ena ataiai be lalokau.
5Vain ena huahua kaukaudia, dekena amo lau do oi ubua, bona apolo huahuadia dekena amo, lau do oi hagoadaia. Badina be egu ura henia dikadika ese, egu lalona ia hamasea noho.
6Egu tau ena imana laurina ese, egu kwarana ena henunai ia noho, bona iena imana idibana ese, lau ia rosia noho.
7Ierusalema hahine e, umui lau oda henia inai, uda nanigosi bona uda dia namodia dainai, do umui gwauhamata, aiemai ura henia dekena amo, ai do umui boiboi lasi, ai do umui hanogaia lasi, ela bona ai sibona ai ura do ai noga.
8Egu lalokau tauna ena gadona lau kamonai noho. Itaia, ia be ororo dekena amo ia roho mai noho. Ia heau mai noho lau dekenai.
9Egu lalokau tauna be uda nanigosi, o dia ena natuna bamona. Itaia, ia be aiemai ruma, ena murimurinai ia gini noho, uindo bona uindo hagoadaia audia dekena amo, ia ese ruma ena lalona ia itaia noho.
10Egu lalokau tauna ese lau dekenai ia hereva henia. Inai bamona ia gwau, Egu lalokau e, oi toreisi, egu hahine namona e, lau danu ita lao.
11Keru negana be ia ore vadaeni. Medu be ia doko vadaeni.

Read SOLOMONA ENA ANE 2SOLOMONA ENA ANE 2
Compare SOLOMONA ENA ANE 2:2-11SOLOMONA ENA ANE 2:2-11