Solomon Labu 7:5-13

⁵Na luchang Carmel Molsangbang in akikhang sang in, na samjolval litlet chun lalna le loupinaatahlang’e. Na samlom hoije chunlengpa jong chatmo in alhatai.

⁶O, iti hoija hoi nahi hitam! Itilunglhaium nahi hitam, ngainu, lunglhainan na dim jeng’e!

⁷Na gongso tumthing bang in napaijitjet in, na-ang teni jong aphung’aaga lomho abang’e.

⁸Keiman kaseije, “Aphunga kakaltouva, atheiga ho ka tuhchahding ahi.” Na-ang teni lengpithei lom bang hen lang, na haihutheithup gimtwi bang in namtuihen.

⁹Na michop dan jong lengpitwitwipen akidon teng, ilei chung lei-ha kahlah’a nal-heova alonlut bang in thanop umhen. Kelngoi Chingpa Dinga Shulam Nungahnu Akitah

¹⁰Mounu: Keima ka ngaipenpa-a kahi in, aman jong kei hi ama-a mong in eigel’e.

¹¹Hung in, goldei, jaolah-a gavahdohhitin; gammang- pahchaho lah’a jankho gamang khom hite.

¹²Kithou dohvah hitin lengpileija gache hitin, lengpiguiho pah hitam gave hitin; apahmum ho chu ana pahlhasoh hitam, kolbutheiho jong ana pahlhasoh hitam gave hite. Chuteng ka ngailutna ka musah ding nahi.

¹³Joldei-ai gimvui nam aki tung in, thei phapenho jong in kotbul ahin phatan; kipa thanopna athah hihen alui hijongleh, nang ding in kana khol khomsoh kei tan ahi, O goldei. Kelngoi Chingpa Toh In Lama