Solomon Labu 2:3-17

³Mounu: Thei-hon sunga theithup tuipen aum bang in, gollhang khangdong lah-in ka dongma pa aum’e. Alimdam noija keima ka touvin, atheiga tuitah chu kane’e.

⁴Aman golvahna in dan sung ah ei kilhon lutpin, eikhohsah dan hi akichen lheh jeng’e.

⁵Lengpi theigan nei thahatsah-in lang, theithup gan nei kidodoh sah- in, ijeh-inem itileh keima nangma ngaija haisam pai ding kahi.

⁶Aban veilam ka kikhap in, aban jet in eijut lelei.

⁷Vo Jerusalem chanute, lou jaova sapeng le sakhi min pan’a katem nahiuve; achama ahung kipatdoh ngal lou leh kideina hi nanghon tildoh tho ahilouleh suh-khahtho din got dauvin. Kelngoichingpan Shulam Nungahnu Heng Hin Jon

⁸O, kangai penpa ahung phei gin kajai! Molsang sang ahinlhah-in, alhang alhang ahin lhah-e.

⁹Kangaipa hi man-gangtah sapeng gol tobang le sakhi chalgol tobang ahi. Veuvin, bangtom ah khun ama ading in; bangkot vangkah-a kon in ahin ven, pindan sung ahin velhin ahi.

¹⁰Kangaipan aseije, “Kithouvin, ngainu! Hiti hin kijot mang ta hite, O melhoi!

¹¹Ven, phalbi a kichai tai; chulegojuh jong atang tai.

¹²Pahchate ahung jamdoh tauvin, vachate mao jinjen lai phat kumkihei ahung lhung tan, vahuihamgin in ikom-ivel khohui alodim tai.

¹³Theichang aga pantan, chulelengpipahgimvuiakitungtai. Thouvin, ngainu! Hungingavahdoh hite, O melhoi!”

¹⁴Moulang: Kol song pangasongpi khi kah-ah kavakhu akiselle. Na somai nei musah-in, na awginnei jahsah in. Ajeh chu na awginangeiyin, na somai ahoi ngeije.

¹⁵Zailom: Sealte khu man uvin, khuche sealneo ho khun kingailutnalengpilei laidung ahin chilthangmasang uvin, man uvin, ijeh-inemitileh lengpithei pahlai ahitai!

¹⁶Mounu: Ka ngailutpa hi keijaahi in, keima ama-a kahi. Amankelngoite Lily pahho lah-in alhajin, avahva ji’e.

¹⁷Khovahkon huilhi ahung nunmasang, chule jan muthim lim jongakihei mang masang in, ka heng hinjon kit in; O ka ngai goldei, Betherlhangdunga sa peng gol ahiloulehsakhi chalgol hunglhai bangchanhung kit teijin.