Solomon Labu 1:7-11

⁷Nei seipeh-in, O goldei, tuni nakelngoi honho hoilama na pui dingham? Sun teng hoikoma na kolsah ding ham? Ajeh chu keima hinoti banga naloi-napaiho chule kelngoite lah’a iti ka vavai le jeng

⁸Moulang: Na het loule, O nungahmelhoipen nu; ka kelngoi hokikaina nung juijin lang, kelngoichingho ponbuh vel’a chun nakelchate vah-in.

⁹O ka deinu, na nunnop dan hi Pharaoh sakol lagol lah-a khat tohnabang’e.

¹⁰Na bengmai alangtoa hi itideium hitam! Na bilba tenin asalemsel jeng’e! Nangong jong iti deium hitam, na sana bilba hung kailhachun ajem hoi be cheh-e.

¹¹Zailom: Sanavuisempeh-ungting, kicheina ding dangkavuitoh thosah-unge.